…አሁን ካልደወለልኝ እግዜር እንዳዘነብኝ አውቃለሁ…እስከ አምስት መቶ አምስት አምስት እየዘለልኩ እቆጥራለሁ…እስከዚያ ካልደወለ እግዜር እስከወዲኛው እንደማይረዳኝ አውቄ አርፌ እቀመጣለሁ…አምስት…አስር…አስራ አምስት…ሃያ …..በቃ፡፡ ይሄው ነው፡፡ እግዜር ጨክኖብኛል፡፡ ጨክነህብኛል አይደል አምላኬ? እሺ…..ይሁንልሃ! ሲኦል ጨምረኝ….ከእኔና ካንተ ሲኦል የማን እንደሚብስ እናያለን…..…ግን አጉል መጨናነቁን ሳላበዛው አልቀረሁም….ምናልባት ለመደውል ዘግይቶ ቢሆንስ? እንዲህ የሚያቀውስ ነገር አለው? ምናልባትም ላይደውል ይችላል…መደወሉን ትቶ ቀጥታ እየመጣ ቢሆንስ? ሲደርስ እያለቀስኩ እንደቆየሁ ሲያውቅ ቢናደድብኝስ? ወንዶች እኮ የምታለቃቅስ ሴት አይወዱም፡፡…..ምናልባት ይሄኔ ወደእኔ እየመጣ መንገድ ላይ ነው…. አረ ቆይ….እኔ ጋር እየመጣ የሆነ ነገር ሆኖስ ቢሆን? አደጋ ደርሶበት ቢሆንስ? መኪና ገጭቶት…ሞቶስ ቢሆን?ወይኔ ጉዴ! ሞቶስ ቢሆን?!....ለነገሩ ቢሞት ይሻለኛል..ያኔ የትም መቅበዝበዙን ትቶ የኔ ብቻ ይሆናል…ሞቶ በሆነ…! በሞተ…!ውይ…ውይ! ምን አይነት ክፉ ሴት ነኝ…..?ሰው እንዴት በሚያፈቅረው ሰው ላይ ሞትን ይመኛል…..?ለነገሩ ሞኝ ነገር ነኝ…ቂል! አንድ ሰው እደውላለሁ ባለበት ደቂቃ ስላልደወለ ሞቷል ብሎ ማሰብ ከቂልነት ውጪ ምን ይሆናል…..? ወይ ደግሞ…ወይ ደግሞ ሰአቴ ቀድሞ ይሆን እንዴ? ይሄኔ እኮ ትንሽ ይሆናል የዘገየው….ወይ ደግሞ ቢሮ መቆየት ኖሮበት…ስራ በዝቶበት ቢሆንስ? ….ወይ ቤት ሄዶም ሊሆን ይችላል…ከቤት ሊደውልልኝ ፈልጎ….. ከዚያ ልክ ሊደውልልኝ ሲል እንግዳ መጥቶበት ይሆናል….ሰው ፊት ሆኖ ወደ እኔ መደወል እንደማይወድ አውቃለሁ….ምናልባት ይሄን ያህል ጊዜ ስላስጠበቀኝ ተጨንቆም ይሆናል…ምናልባት…ምናልባት እሷ በደወለች ብሎ እየተመኘም ሊሆን ይችላል…..ህም…ለካ…ለካ ልደውልለት እችላለሁ! እኔ ራሴ ልደውልለት እችላለሁ…..!አይ….አይ….አልደውልለትም፡፡ መደወል የለብኝም፡፡ አምላኬ ሆይ….! እባክህ እንዳልደውልለት አድርገኝ…እጄን ያዝልኝ….ሁሉን ነገር አቅልልልኝ አልልህም ግን እባክህ እንዲህ ሆኖ ይሆናል እያልኩ ሰበባ ሰበብ እየደረደርኩ ራሴን እንዳቄል አታድርገኝ…አበርታኝ አምላኬ…አበርታኝ….አልደውልለትም…እስክሞት ድረስ አልደውልለትም፡፡ ለምን ተንፈራፍሮ ድብን አይልም? …ለምን መቀመቅ አይወርድም….…አምላኬ ሆይ፣ በሃሳቤ እንድፀና አበርታኝ…ቢፈልገኝ ያገኘኝ ነበር…የት እንዳለሁ ያውቃል…እየጠበቅኩት እንደሆነ ያውቃል….ቸል ብሎኝ ነው…እንደምጠብቀው ስላወቀ ቸል ብሎኝ ነው…ሁሌም በእጃቸው እንዳስገቡን ሲያውቁ ቸል ይሉናል…ሁሌም…..ግን ደግሞ ብደውልለትና ቁርጤን ባውቅ ሳይሻል አይቀርም……ቆይ ግን…. ደውሎ ደውሎ ስልኬ አስቸግሮት…ኔትወርክ እምቢ ብሎት ቢሆንስ…? አንዳንዴ እኮ እንዲህ አይነቱ ነገር ይፈጠራል….አምላኬ ሆይ…እባክህ ክብሬን እንድጠብቅ እርዳኝ…እንዳልደውልለት እርዳኝ…..አሁን ይሄን ትቼ ስለሌላ ነገር ማሰብ መጀመር አለብኝ….አለ አይደል….? ዝም ብዬ፣ ፀጥ ብዬ ቁጭ እላለሁ፡፡ ወይ መፅሃፍ ላንብብ እንዴ? ምን ዋጋ አለው…? የዘመኑ ደራሲያን የሚፅፉት ሁሉ በፍቅር ስለከነፉ ደስተኛ ጥንዶች ነው….አሁን እስቲ ማን ይሙት የሚፅፉት ሁሉ በእውኑ አለም ላይ የሌለ ውሸት እንደሆነ ሳያውቁ ቀርተው ነው? ብሽቆች፡፡…አሁን ዝም ብዬ እቀመጣለሁ….ይገርማል ብቻ….የፍቅር ነገር…ይሄኔ እኮ እንዲህ ያደረገችኝ ሴት ጓደኛዬ ብትሆን ደውዬ ‹‹አንቺ ግን ምን ሆነሽ ነው እደውላለሁ ብለሽ ያልደወልሽው?›› እላት ነበር….ፍቅር ግን እንዲህ ያለውን እንደልብ መሆን…ነጻነትን አይፈቅድም…..….አምላኬ ሆይ፣ በቃ እንዲደውል አታደርግልኝም ማለት ነው? እርግጠኛ ነህ…? በቃ…ይሄው ነው ወሳኔህ? አትራራልኝም? እስቲ አሁን በዚህች ደቂቃ ይደውልልኝ ብዬ አልጎተጎትኩህ….እንዲያው ትንሽ ቆይቶ እንኳን እንዲደውልልኝ አታደርግም? ይሄውልህ…ባንድ ነገር እንስማማ.….እኔ አምስት አምስት እየዘለልኩ እስከ አምሰት መቶ…ቀ….ስ….ብዬ …ረ…ጋ ብየ እቆጥራለሁ….እስከዚያ እንደደውል ካላደረግልኝ ግን እኔ እደውልለታለሁ….እሺ? ተግባባን?…አባቴ ሆይ፣ በሰማይ የምትኖር፣ ስምህ ትቀደስ…መንግሰትህ ትምጣ….ከዚያ በፊት ግን እንዲደውልልኝ አድርግ፡፡ እባክህ አምላኬ…እንዲደውልልኝ አድርግ…አምስት…አስር….አስራ አምስት….ሃያ…ሃያ አምስት….ሰላሳ……ሰላሳ አምስት….…አሁን ካልደወለልኝ እግዜር እንዳዘነብኝ አውቃለሁ…እስከ አምስት መቶ አምስት አምስት እየዘለልኩ እቆጥራለሁ…እስከዚያ ካልደወለ እግዜር እስከወዲኛው እንደማይረዳኝ አውቄ አርፌ እቀመጣለሁ…አምስት…አስር…አስራ አምስት…ሃያ …..በቃ፡፡ ይሄው ነው፡፡ እግዜር ጨክኖብኛል፡፡ ጨክነህብኛል አይደል አምላኬ? እሺ…..ይሁንልሃ! ሲኦል ጨምረኝ….ከእኔና ካንተ ሲኦል የማን እንደሚብስ እናያለን…..…ግን አጉል መጨናነቁን ሳላበዛው አልቀረሁም….ምናልባት ለመደውል ዘግይቶ ቢሆንስ? እንዲህ የሚያቀውስ ነገር አለው? ምናልባትም ላይደውል ይችላል…መደወሉን ትቶ ቀጥታ እየመጣ ቢሆንስ? ሲደርስ እያለቀስኩ እንደቆየሁ ሲያውቅ ቢናደድብኝስ? ወንዶች እኮ የምታለቃቅስ ሴት አይወዱም፡፡…..ምናልባት ይሄኔ ወደእኔ እየመጣ መንገድ ላይ ነው…. አረ ቆይ….እኔ ጋር እየመጣ የሆነ ነገር ሆኖስ ቢሆን? አደጋ ደርሶበት ቢሆንስ? መኪና ገጭቶት…ሞቶስ ቢሆን?ወይኔ ጉዴ! ሞቶስ ቢሆን?!....ለነገሩ ቢሞት ይሻለኛል..ያኔ የትም መቅበዝበዙን ትቶ የኔ ብቻ ይሆናል…ሞቶ በሆነ…! በሞተ…!ውይ…ውይ! ምን አይነት ክፉ ሴት ነኝ…..?ሰው እንዴት በሚያፈቅረው ሰው ላይ ሞትን ይመኛል…..?ለነገሩ ሞኝ ነገር ነኝ…ቂል! አንድ ሰው እደውላለሁ ባለበት ደቂቃ ስላልደወለ ሞቷል ብሎ ማሰብ ከቂልነት ውጪ ምን ይሆናል…..? ወይ ደግሞ…ወይ ደግሞ ሰአቴ ቀድሞ ይሆን እንዴ? ይሄኔ እኮ ትንሽ ይሆናል የዘገየው….ወይ ደግሞ ቢሮ መቆየት ኖሮበት…ስራ በዝቶበት ቢሆንስ? ….ወይ ቤት ሄዶም ሊሆን ይችላል…ከቤት ሊደውልልኝ ፈልጎ….. ከዚያ ልክ ሊደውልልኝ ሲል እንግዳ መጥቶበት ይሆናል….ሰው ፊት ሆኖ ወደ እኔ መደወል እንደማይወድ አውቃለሁ….ምናልባት ይሄን ያህል ጊዜ ስላስጠበቀኝ ተጨንቆም ይሆናል…ምናልባት…ምናልባት እሷ በደወለች ብሎ እየተመኘም ሊሆን ይችላል…..ህም…ለካ…ለካ ልደውልለት እችላለሁ! እኔ ራሴ ልደውልለት እችላለሁ…..!አይ….አይ….አልደውልለትም፡፡ መደወል የለብኝም፡፡ አምላኬ ሆይ….! እባክህ እንዳልደውልለት አድርገኝ…እጄን ያዝልኝ….ሁሉን ነገር አቅልልልኝ አልልህም ግን እባክህ እንዲህ ሆኖ ይሆናል እያልኩ ሰበባ ሰበብ እየደረደርኩ ራሴን እንዳቄል አታድርገኝ…አበርታኝ አምላኬ…አበርታኝ….አልደውልለትም…እስክሞት ድረስ አልደውልለትም፡፡ ለምን ተንፈራፍሮ ድብን አይልም? …ለምን መቀመቅ አይወርድም….…አምላኬ ሆይ፣ በሃሳቤ እንድፀና አበርታኝ…ቢፈልገኝ ያገኘኝ ነበር…የት እንዳለሁ ያውቃል…እየጠበቅኩት እንደሆነ ያውቃል….ቸል ብሎኝ ነው…እንደምጠብቀው ስላወቀ ቸል ብሎኝ ነው…ሁሌም በእጃቸው እንዳስገቡን ሲያውቁ ቸል ይሉናል…ሁሌም…..ግን ደግሞ ብደውልለትና ቁርጤን ባውቅ ሳይሻል አይቀርም……ቆይ ግን…. ደውሎ ደውሎ ስልኬ አስቸግሮት…ኔትወርክ እምቢ ብሎት ቢሆንስ…? አንዳንዴ እኮ እንዲህ አይነቱ ነገር ይፈጠራል….አምላኬ ሆይ…እባክህ ክብሬን እንድጠብቅ እርዳኝ…እንዳልደውልለት እርዳኝ…..አሁን ይሄን ትቼ ስለሌላ ነገር ማሰብ መጀመር አለብኝ….አለ አይደል….? ዝም ብዬ፣ ፀጥ ብዬ ቁጭ እላለሁ፡፡ ወይ መፅሃፍ ላንብብ እንዴ? ምን ዋጋ አለው…? የዘመኑ ደራሲያን የሚፅፉት ሁሉ በፍቅር ስለከነፉ ደስተኛ ጥንዶች ነው….አሁን እስቲ ማን ይሙት የሚፅፉት ሁሉ በእውኑ አለም ላይ የሌለ ውሸት እንደሆነ ሳያውቁ ቀርተው ነው? ብሽቆች፡፡…አሁን ዝም ብዬ እቀመጣለሁ….ይገርማል ብቻ….የፍቅር ነገር…ይሄኔ እኮ እንዲህ ያደረገችኝ ሴት ጓደኛዬ ብትሆን ደውዬ ‹‹አንቺ ግን ምን ሆነሽ ነው እደውላለሁ ብለሽ ያልደወልሽው?›› እላት ነበር….ፍቅር ግን እንዲህ ያለውን እንደልብ መሆን…ነጻነትን አይፈቅድም…..….አምላኬ ሆይ፣ በቃ እንዲደውል አታደርግልኝም ማለት ነው? እርግጠኛ ነህ…? በቃ…ይሄው ነው ወሳኔህ? አትራራልኝም? እስቲ አሁን በዚህች ደቂቃ ይደውልልኝ ብዬ አልጎተጎትኩህ….እንዲያው ትንሽ ቆይቶ እንኳን እንዲደውልልኝ አታደርግም? ይሄውልህ…ባንድ ነገር እንስማማ.….እኔ አምስት አምስት እየዘለልኩ እስከ አምሰት መቶ…ቀ….ስ….ብዬ …ረ…ጋ ብየ እቆጥራለሁ….እስከዚያ እንደደውል ካላደረግልኝ ግን እኔ እደውልለታለሁ….እሺ? ተግባባን?…አባቴ ሆይ፣ በሰማይ የምትኖር፣ ስምህ ትቀደስ…መንግሰትህ ትምጣ….ከዚያ በፊት ግን እንዲደውልልኝ አድርግ፡፡ እባክህ አምላኬ…እንዲደውልልኝ አድርግ…አምስት…አስር….አስራ አምስት….ሃያ…ሃያ አምስት….ሰላሳ……ሰላሳ አምስት….
